Smart, easy and safe way for investing

SMART INVEST GROUP е просперитетна и влијателна инвестициска групација која делува во
разнообразни сегменти на македонскиот бизнис и општество, пред се во изградбата на
станбени згради. Нашата уникатност произлегува од вклучувањето на искусни и
реномирани македонски компании со повеќе од две децении искуство во областа на
градежништвото, ИТ-технологијата, финансиите и банкарството, трговијата и
угостителството, медиуми, маркетинг, печатарска индустрија и се што е поврзано со области
на сигурни и стабилни инвестиции.
Ние покрај тоа што се занимаваме со градежништво, односно проектирање и изведба на
“паметни” станбени згради во кои се вградени најсовремени дигитални решенија кои уреди
меѓусебно комуницираат и обезбедуваат „интелигентно“ следење на сите аспекти во домот,
преку нашата Crowdfunding платформа обезбедуваме можност граѓаните да станат ко-
инвеститори во нашите проекти.

Crowdfunding е практика на собирање мали суми пари од голем број луѓе. Вкупната сума на
средства обично се користи за финансирање конкретен проект.
Crowdfunding стана популарен начин за инвестирање во недвижнини, нудејќи широк
спектар на предности за инвеститорите, како што се пониски бариери за влез, поголема
транспарентност и потенцијално високи поврати. Една од најголемите предности е неговата
пристапност, односно наместо традиционалните облици на инвестирање во недвижности
кои често бараат големи суми за почетни инвестиции, crowdfunding овозможува да
започнете со релативно мал капитал.
Со ова секој инвеститор, без оглед на нивниот буџет, може да стане дел од профитабилни
проекти за недвижнини.

Платформата е новитет на нашиот пазар која претставува линк за транспарентно
поврзување на инвеститори кои се заинтересирани за пласман на своите слободни
средства, односно одлична можност за физички и правни лица да инвестираат во нашите
градежни проекти. Платформата е целосно дигитализирана и автоматизирана и секое лице од својот паметен телефон или компјутер може да инветира средства за не повеќе од 10 минути. Инвестираните средства се користат за реализација на проектите, и за
користење на тие средства се исплаќа капитална добивка од 9% на годишно ниво за
проектите кои завршуваат за 24 месеци или 10% на годишно ниво за проектите кои е
предвидено да траат над 24 месеци.

Во пракса тоа значи дека ако некое лице инвестира 10.000 евра во некој од нашите проекти
(на пример проектот/станбената зграда X9 која се наоѓа во Скопје), проект кој започна на 15
Октомври 2024 година и ќе трае 3 години, до 15 Октомври 2027 година, тогаш инвеститорот
ќе добие максимална капитална добивка од 30% за целиот период, односно 10% на
годишно ниво. Во пари, тоа значи дека инвеститорот за тие 3 години вкупно ќе заработи
3.000 евра. Дополнително, инвеститорот не треба да чека да се комплетира проектот за да
ја добие капиталната добивка заедно со инвестираната сума, туку капиталната добивка му ја исплаќаме секој месец на неговата трансакциска сметка додека трае проектот, која
изнесува 83,3 евра бруто во денарска противвредност.
Со доспевање на рокот за реализација на проектот, инвестираната сума во целост се враќа
на Инвеститорот.

Од неодамна воведен е нов производ за Инвестирање на рати. Овој производ овозможува буквално секој полнолетен граѓанин на Македонија да може да стане инвеститор преку нашата платформа, и тоа со минимална инвестиција од 3.000 мкд на месечно ниво.

 

Како тоа функционира во пракса: 

Доколку до завршувањето на некој од проектите преостануваат уште 12 месеци, наместо да направите класична еднократна инвестиција и целата сума да ја инвестирате одеднаш, можете планираната сума да ја инвестирате на 12 месечни рати, при што специјално дизајнираниот алгоритам ќе направи пресметка на капитална добивка по принципот на FIFO методот и поединечни влезни датуми на вложување, и точно ќе знаете колкава капитална добивка ќе добиете за инвестираните средства. 

За разлика од еднократното инвестирање каде капиталната добивка може да ја добиете на месечно ниво или целосно на крајот на завршување на проектот, тука капиталната добивка се исплаќа само на крајот заедно со инвестираната главница.

 

За конкретна пресметка можете да го искористите калкулаторот кој е специјално дизајниран на нашата веб платформа.  

• Да сте полнолетно лице,
• Да сте резидент во РСМ,
• Да имате валидна трансакциска сметка,
• Да инвестирате сума од минимум 500 евра во денарска противвредност за еднократна инвестиција или минимум 50 евра во денарска противвредност за Инвестирање на рати.

Можете да инвестирате преклу следниве 5 едноставни чекори:
• Прв чекор - Креирање на профил;
• Втор чекор - Избор во кој од Х станбените објекти сакате да инвестирате;
• Трет чекор - Внесување на износот кој сакате да го инвестирате;
• Четврт чекор - Електронско потпишување на Договорот за инвестирање на средства;
• Петти чекор - Уплата на средствата.
Договор за инвестирање на средства автоматски се генерира врз основа на податоците кои
се внесени во претходните чекори. Генерираниот договор се потпишува со СМС код кој се
испраќа на личниот мобилен телефон наведен во профилот на инвеститорот. По
потпишување на Договорот, се генерира уплатница и по нејзината уплата (која исто така
може да се уплати и преку електронско банкарство), Договорот и инвестицијата стануваат
активни.

Капиталната добивка е фиксна и изрично наведена во секој Договор за инвестирање на
средства и истата е 9% на годишно ниво за проектите кои завршуваат за 24 месеци или 10%
на годишно ниво за проектите кои е предвидено да траат над 24 месеци.
Инвеститорот може да избере дали капиталната добивка да му се исплаќа на месечно ниво,
од денот на уплат до завршување на проектот, или пак на крајот на завршување на проектот
заедно со инвестираната главнина.

За реализација на проектите гарантираат:

Smart Invest Group како правно лице со целиот наш движен и недвижен имот и
Компанијата Инвеститор на тековните проекти со целиот нејзин движен и недвижен имот.

Видливост на проектите – Инвестирате во конкретни и реални проекти во РМ, со што имате можност за активно следење на прогресот;

Кус период помеѓу инвестиција и заработка – Најдолгиот проект е со времетраење од 3 години, додека во меѓувреме капиталната добивка може да ја добивате на месечно ниво секој месец до реализација на проектот;

Безбедност на парите – Договор за гаранција на средствата при секоја инвестиција.

Во изминативе 2 години во нашите проекти инвестирани се 180 милиони денари.

За тие средства на инвеститорите исплатена е капитална добивка во висина од 14,3 милиони денари.

Особено би сакале да потенцираме дека 96% од инвеститорите во проектите кои веќе завршија во изминатиов период, ги реинвестираа своите средства во останатите тековни проекти што ја потврдува сигурноста и стабилноста на нашата компанија.